Վարչապետ Նիկոլ Փաշինյանն այսօրվա իր ուղերձում անդրադարձավ այն հարցին, թե ինչպես է որոշվելու Ադրբեջանի կողմից օկուպացված ավելի քան 200 կմ² օկուպացված տարածքների հարցը․
«Շատ են հարցադրումները, թե՝ երբ այսպիսով Հայաստանն ու Ադրբեջանը ճանաչում են միմյանց տարածքային ամբողջականությունը, բա ինչ եղան կամ ինչ են լինելու ՀՀ-ի՝ ավելի քան 200 կմ² օկուպացված տարածքները։
Վաշինգտոնյան հռչակագրով եւ նախաստորագրված համաձայնագրով Հայաստանն ու Ադրբեջանը միմյանց սահմանների անխախտելիությունը եւ տարածքային ամբողջականությունը ճանաչել են 1991-ի Ալմա-Աթայի հռչակագրի հիման վրա։ Սա նշանակում է, որ կողմերն ընդունում են, որ այսօր ՀՀ-ի տարածքը ճշգրտորեն նույնական է Հայկական ԽՍՀ-ի տարածքի հետ, եւ այսօր Ադրբեջանի տարածքը նույնական է Ադրբեջանական ԽՍՀ տարածքի հետ։
Այս իրողությունը պետք է լուծում ստանա սահմանազատման գործընթացում, բայց խաղաղության տրամաբանությունը, նոր տրամաբանությունն այն է, որ ասելիս՝ Հայաստանի ինքնիշխան տարածքներ կան, որ այսօր գտնվում են ադրբեջանական վերահսկողության ներքո, պետք է ասենք նաեւ, որ կան Ադրբեջանի ինքնիշխան տարածքներ, որ գտնվում են մեր վերահսկողության ներքո, եւ փոխադարձ այս հարցը պիտի լուծում ստանա սահմանազատման գործընթացում»։
