Վաշինգտոնում Ուկրաինայի նախագահ Վլադմիր Զելենսկու եւ եվրոպացի առաջնորդների հետ հանդիպումներից հետո Թրամփը զանգահարել է Պուտինին և սկսել ՌԴ ու Ուկրաինայի նախագահների միջեւ հանդիպում կազմակերպելու պայմանավորվածությունների գործընթացը։ Այս մասին Թրամփը հայտնոլ է Truth Social-ում։
Նա նշել է, որ հանդիպման վայրը դեռ որոշված չէ, բայց դրանից հետո նախատեսվում է եռակողմ հանդիպում, որին կմասնակցեն երկու նախագահները և ինքը։
Թրամփն ընդհանուր առմամբ դրական է գնահատել Զելենսկու եւ եվրոպացի առաջնորդների հետ հանդիպումը։
Նա նշել է, որ քննարկել են Ուկրաինայի անվտանգության երաշխիքները, որոնք պետք է տրամադրեն եվրոպական երկրները՝ ԱՄՆ-ի համակարգմամբ։
