Իսրայելը հարվածներ է հասցրել Եմենի մայրաքաղաք Սանաային, ինչպես հայտնում է Reuters լրատվական գործակալությունը՝ հաղորդել է «Ալ-Մասիրա» հեռուստաընկերությունը։ Հարվածները տեղի են ունեցել երկու օր անց այն բանից հետո, երբ հութիները հրթիռ էին արձակել Իսրայելի ուղղությամբ։

Սանաայի բնակիչների խոսքով՝ հարվածները հասել են նախագահական համալիրը շրջապատող տարածքներին, հրթիռային բազաներին, ինչպես նաև նավթային և էներգետիկ կայաններին։ Իսրայելի բանակը մինչ այժմ միջադեպի վերաբերյալ մեկնաբանություն չի արել։

Ուրբաթ օրը հութիները հայտարարել էին, որ բալիստիկ հրթիռ են արձակել Իսրայելի ուղղությամբ։ Իսրայելի ռազմաօդային ուժերի ներկայացուցիչը կիրակի օրը նշել է, որ հրթիռը, ամենայն հավանականությամբ, կրել է մի քանի ենթա-մարտագլխիկներ, որոնք նախատեսված էին պայթելու հարվածից հետո։

Լուսանկարում՝ Եմենից Իսրայելի ուղղությամբ արձակված հրթիռների տեսարան է/22․08․2025/Անադոլու։