Հունգարիան երբեք չի աջակցի ԵՄ-ին Ուկրաինայի արագացված անդամակցությանը՝ հայտարարել է Հունգարիայի արտգործնախարար Պետեր Սիյարտոն:
«Յուրաքանչյուր ոք, ով ռացիոնալ է գնահատում իրավիճակը, կարող է եզրակացնել, թե ինչ ազդեցություն կունենա Ուկրաինայի անդամակցությունը Միության վրա. դա մահացու հարված կլինի»,- նշել է դիվանագետը:
Նման կերպ Սիյարտոն արձագանքել է Politico պարբերականի այն պնդմանը, թե ԱՄՆ նախագահ Դոնալդ Թրամփը Հունգարիայի վարչապետ Վիկտոր Օրբանին համոզել է փոխել դիրքորոշումը Եվրամիությանն Ուկրաինայի անդամակցության հարցում:
Հունգարիայի ԱԳ նախարարի խոսքով՝ Ուկրաինայի անդամակցությունը կարող է հանգեցնել ԵՄ միջոցների վերաբաշխման, կազմակերպված հանցավորության աճի և եվրոպական գյուղատնտեսության համար բացասական հետևանքների, ուստի Հունգարիան մտադիր չէ փոխել իր դիրքորոշումը:
