azatutyun.am  Աֆղանստանում կիրակի ուշ երեկոյան տեղի ունեցած երկրաշարժի հետևանքով զոհերի թիվը հասել է 812-ի, կա առնվազն 2 հազար 800 վիրավոր, Reuters-ի փոխանցմամբ՝ հայտնել են իշխանությունները՝ հավելելով, որ փրկարարները դժվարությամբ են հասնում հեռավոր վայրերին լեռնային բարդ տեղանքների և վատ եղանակի պատճառով։

Քաբուլում առողջապահության նախարարության խոսնակ Շարաֆաթ Զամանն արտասահմանյան օգնություն է խնդրել՝ հաղթահարելու 6 մագնիտուդ ուժգնությամբ երկրաշարժի հետևանքները։ «Մեզ անհրաժեշտ է, որովհետև այստեղ շատ մարդիկ կորցրել են իրենց կյանքը և տները», – ասել է նա Reuters-ին։