shantnews.am: ԱՄՆ փոխնախագահ Մայք Փենսն ու պետքարտուղար Մայք Պոմպեոն ուղևորվել են Անկարա՝ սիրիական ճգնաժամը քննարկելու համար։

Նրանք Վաշինգտոնից ոչ հեռու գտնվող Էնդրյուս ռազմաօդային բազայից թռիչք են կատարել տարբեր օդանավերով։

ԱՄՆ-ը ծրագրում է թուրքական կողմի հետ քննարկել քրդերի դեմ Անկարայի ռազմական օպերացիայի հարցը։ Դեռևս հայտնի չէ՝ նրանց հետ Թուրքիայի նախագահ Ռեջեփ Թայիփ Էրդողանը կհանդիպի՞, թե՞ ոչ։ Ավելի վաղ նա հրաժարվել էր Փենսի հետ հանդիպումից։

Բանակցությունների տապալման դեպքում Վաշինգտոնը սպառնացել է հավելյալ պատժամիջոցներ սահմանել Թուրքիայի դեմ։