Լրագրող Գայանե Մարկոսյանը վարչապետի որոշմամբ նշանակվել է Լոռու փոխմարզպետ:
Այդ մասին համապատասխան որոշումը հրապարակված է ՀՀ կառավարության կայքում:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 9-րդ մասով՝ Գայանե Մարկոսյանին նշանակել Հայաստանի Հանրապետության Լոռու մարզպետի տեղակալ»,- ասված է որոշման մեջ:
Գայանե Մարկոսյանը նախկինում աշխատում էր որպես լրագրող, իսկ մարզպետ Անդրեյ Ղուկասյանի նշանակումից հետո նշանակվել էր որպես մարզպետի օգնական:
