azatutyun.am։ Ուկրաինայի, Ռուսաստանի և ԵԱՀԿ ներկայացուցիչները նախօրեին համաձայնեցրել են «Շտայնմայերի բանաձևի» դրույթները:
Ուկրաինայի արևելքում ծագած հակամարտության կարգավորմամբ զբաղվող Մինսկի եռակողմ կոնտակտային խմբի շրջանակներում մշակված այս փաստաթղթի համաձայն, Դոնեցկի և Լուգանսկի մարզերի` անջատականների վերահսկողության տակ գտնվող շրջաններին հատուկ կարգավիճակ է շնորհվում:
«Շտայնմայերի բանաձևով» նաև նախատեսվում է այդ շրջաններում ԵԱՀԿ վերահսկողության ներքո տեղական ինքնակառավարման մարմինների ընտրություններ անցկացնել: Ուկրաինայի նախագահ Վլադիմիր Զելենսկու խոսքով՝ ընտրությունները կազմակերպվելու են միայն այն բանից հետո, երբ ռուսաստանյան ստորաբաժանումները լքեն Դոնբասը:
«Եթե այդ տարածքում շարունակեն զորամիավորումներ մնալ, որևէ ընտրություն չի լինի», – հայտարարել է Զելենսկին:
