panarmenian.net։ ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի երկկողմ հանդիպում տեղի կունենա Պետերբուրգի միջազգային տնտեսական համաժողովի շրջանակում: Այդ մասին հայտարարել է ՌԴ նախագահի օգնական Յուրի Ուշակովը:
ՌԴ նախագահն առանձին հանդիպումներ կունենա նաև Բուլղարիայի նախագահ Ռումեն Ռադևի, Սլովակիայի վարչապետ Պետեր Պելեգրինիի և ՄԱԿ-ի գլխավոր քարտուղար Անտոնիո Գուտերեշի հետ, հայտնում է ՏԱՍՍ-ը:
Նա հավելել է, որ համաժողովի շրջանակում Պուտինը նաև չծրագրված հանդիպումներ կունենա համաժողովի մասնակիցների հետ, այդ թվում ոչ պաշտոնական:
Փաշինյանը մասնակցելու է Սանկտ Պետերբուրգի միջազգային տնտեսական համաժողովի լիագումար նիստին:
