Ամուլսարի պահապաններից ահազանգ ենք ստացել, որ այսօր՝ հունիսի 4-ի առավոտյան, ոստիկանությունը հորդորում է դեպի հանք տանող ճանապարհները բացել, որպեսզի Լիդիանը ինչ-որ վնասների գնահատման աշխատանքներ կատարի այնտեղ։
Այս մասին հայտարարություն է տարածել Հայկական բնապահպանական ճակատ (ՀԲՃ) քաղաքացիական նախաձեռնությունը:
«ՀԲՃ կամավորական նախաձեռնությունը զորավիգ է Ամուլսարի պահապանների դիրքորոշմանը, որ հանքի հետ կապված որեւէ աշխատանք Լիդիանը չի կարող կատարել Ամուլսարի տարածքում»,-ասված է հայտարարությունում:
