Ադրբեջանի ոստիկանությունը փետրվարի 16-ին բերման է ենթարկել ընդդիմադիր ուժերի 3 առաջնորդի ու 55 ակտիվիստի, որոնք եկել էին մասնակցելու «Մուսավաթ» ընդդիմադիր կուսակցության կողմից կազմակերպված բողոքի ակցիային՝ ընդդեմ մի շաբաթ առաջ երկրում կայացած խորհրդարանական ընտրությունների արդյունքների։

Բերման ենթարկվածների ցուցակում կային պատգամավորների թեկնածուներ, ինչպես նաև «Մուսավաթ»-ի նախագահ Արիֆ Հաջըլըն։ Բերման ենթարկվածների մի մասը բաց է թողվել, մնացածների գտնվելու վայրն անհայտ է։