Արցախի Հանրապետությունում առողջապահական համակարգում պլանային վիրահատությունները ժամանակավորապես կասեցվել են: Այս մասին երեկ ՀԺ-ի հարցմանն ի պատասխան հայտնեցին Արցախում ձեւավորված օպերատիվ շտաբից:
Թեեւ մինչ օրս Արցախում կորոնավիրուսով հիվանդացության որեւէ դեպք չկա, սակայն երկիրը պատրաստ է անհրաժեշտության դեպքում մեկուսացնելու հնարավոր վարակակիրներին:
Օպերատիվ շտաբից մեզ նաեւ տեղեկացրին, որ բուժհաստատություններում առանձնացվել, կահավորվել-լրակահավորվել են ինֆեկցիոն բաժանմունքները: Բուժպարագաների լրացուցիչ պահուստներ են ստեղծվում, առանձնացվել են քաղաքացիների մեկուսացման ենթակա հաստատություններ, նաեւ ռեզերվային օբյեկտներ, այդ թվում՝ հյուրանոցներ:
