Տավուշի մարզի Ոսկեվան համայնքում հակառակորդի կրակոցից վիրավորում ստացած երեխան արդեն Երևանում է` «Սուրբ Աստվածամայր» բժշկական կենտրոնում: Այս մասին հայտնում է բժշկական կենտրոնի մամուլի խոսնակ Գեւորգ Դերձյանը։
Նրա փոխանցմամբ՝ երեխայի վիճակը բժիշկները գնահատում են կայուն ծանր։ Նրան տեղափոխել են վերակենդանացման բաժանմունք: Վերջինս ստացել է հրազենային վնասվածք՝ կրծքավանդակի շրջանում, իրականացվել է անհրաժեշտ առաջին բուժօգնությունը։ Նոյեմբերյանի բուժկենտրոնում կատարվել է վիրահատություն:
Կտրվի հավելյալ տեղեկություն:
