armtimes.com: Առաջին միջոցառման շրջանակում տրվող օժանդակությունից արդեն օգտվել են 284 կազմակերպություններ, որոնք ունեն 24.6 մլրդ դրամ ընդհանուր գումարով հաստատված վարկային հայտեր: Այս մասին այսօր ՀՀ կառավարության մամուլի կենտրոնում ասաց էկոնոմիկայի նախարար Տիգրան Խաչատրյանը՝ ներկայացնելով տնտեսական միջոցառումների ընթացքը։
Խոսելով երկրորդ միջոցառման մասին, որը վերաբերում է գյուղատնտեսությանը՝ նախարարն ասաց, որ շահառու ֆիզիկական անձանց կամ կազմակերպությունների թիվը գերազանցում է 6 հազարը, որոնցից 5500-ը այն անհատներն են կամ կազմակերպությունները, որոնք դիմել են մինչեւ 1 մլն դրամ միկրովարկավորման աջակցության գործիքից օգտվելու համար:
«Երրորդ աջակցության ծրագրով շահառու են 549 կազմակերպություններ, որոնք ունեն 6.3 մլրդ դրամ ընդհանուր արժեքով վարկային հայտեր»,- ասաց Խաչատրյանը:
Անդրադառնալով 5-րդ միջոցառմանը՝ նախարարն ասաց, որ այդ միջոցառման շրջանակներում Կառավարությունն արդեն տրամադրել է 1.9 մլրդ դրամի չափով աջակցություն: Սա վերաբերում է այն կազմակերպություններին, որոնք աշխատակիցներ չէին ազատել եւ աշխատավարձային ֆոնդ չէին նվազեցրել 2020 թվականի հունվարից մինչեւ մարտ։
