azatutyun.am: Լեհաստանի խորհրդարանի ստորին պալատը՝ Սեյմը, վերացրել է Սենատի արգելքը երկրի նախագահական ընտրություններում փոստով քվեարկելու հարցով:
Նախագահի կողմից օրենքը ստորագրվելուց հետո, Լեհաստանի քաղաքացիները հնարավորություն կստանան ընտրությունների ժամանակ ծրարի մեջ դնել իրենց կողմից լրացված քվեաթերթիկը և փոստի միջոցով ուղարկել քվեաթերթիկների հաշվարկման վայր:
Նախագահական ընտրությունների անցկացման ժամկետներն առայժմ հայտնի չեն: Առաջին փուլը պետք է տեղի ունենար մայիսի 10-ին, սակայն համաճարակի պատճառով հետաձգվել է:
Ընդդիմությունը դեմ է փոստով քվեարկությանը՝ պնդելով, որ 30 միլիոն լեհ ընտրողների քվեաթերթիկները ժամանակին տեղ չեն հասնի:
