Չինաստանի առողջապահության ազգային հանձնաժողովը հայտարարել է, որ այս տարվա հուլիսին նախատեսվում է COVID-19 հիվանդության դեմ պատվաստանյութի տարբերակներից մի քանիսի փորձարկման երրորդ փուլը:
«Այս փորձարկումների առաջին և երկրորդ փուլերի ընթացքում մենք չենք ստացել կողմնակի բացասական լուրջ հետևանքների մասին տվյալներ: Հետևաբար, եթե ամեն ինչ բարեհաջող ընթանա, արդեն հուլիսին կսկսենք երրորդ փուլը»,- ասել է Չինաստանի առողջապահության ազգային հանձնաժողովի ներկայացուցիչ, առողջապահության փոխնախարար Ժեն Յիսինը:
Չինաստանի պաշտոնյաները հավաստիացնում են, որ համավարակի առումով իրավիճակը բարվոք է:
