tert.am: Պուերտո Ռիկոյի նահանգապետ Վանդա Վասկեսը օրենք է ստորագրել նոյեմբերի 3-ին կղզու` ԱՄՆ-ին նահանգի կարգավիճակով միանալու վերաբերյալ հանրաքվե անցկացնելու վերաբերյալ: Այս մասին տեղեկացնում է korrespondent.net կայքը` հղում տալով Պուերտո Ռիկոյի Univision հեռուստաալիքին:
Նշվում է, որ հանրաքվեն կանցնի տեղի ընտրությունների հետ միաժամանակ, սակայն այն չի ենթադրում, որ ԱՄՆ-ն պարտավոր է ընդունել հանրաքվեի արդյունքները: Նոր նահանգի` պետությանը միանալու մասին վերջնական որոշումը պիտի կայացնի ԱՄՆ կոնգրեսը:
Պուերտո Ռիկոն ԱՄՆ-ի կողմից բռնակցվել է 1898թ. իսպանա-ամերիկյան պատերազմի ընթացքում: Կղզու միջազգային-իրավական կարգավիճակը շատ հակասական է: Պուերտոռիկացիները համարվում են ԱՄՆ քաղաքացիներ, սակայն դաշնային բյուջեին հարկեր չեն վճարում և չեն կարող մասնակցել նախագահի ընտրություններին: Կղզու գերագույն օրենսդիր իշխանությունը պատկանում է ԱՄՆ Կոնգրեսին, բայց Ներկայացուցիչների պալատում Պուերտո Ռիկոյի շահերը ներկայացնում է քվեարկության իրավունք չունեցող կոմիսարը:
Կղզու գործաֆդիր իշխանությունը կենտրանացած է նահանգապետի ձեռքերում: Պետությունը զգալի օգնություն է ստանում ԱՄՆ դաշնային բյուջեից:
2017թ. նմանատիպ հանրաքվե արդեն կայացել էր և պուերտոռիկացիները կողմ էին արտահայտվել ԱՄՆ կազմ մտնելուն:
