armtimes.com: Կորոնավիրուսից մահացած անձանց անունները հրապարակելու կապակցությամբ Քրեական ոստիկանությունում նյութեր են նախապատրաստվում: Այս մասին տեղեկացրեց Գլխավոր դատախազի խորհրդական Գոռ Աբրահամյանը:
Հիշեցնենք՝ այսօր «Ֆեյսբուք» սոցիալական ցանցում հայտնվել են կորոնավիրուսից մահացած մարդկանց անուն-ազգանունները, որը վերահրապարակել են նաեւ որոշ լրատվամիջոցներ. «Իրականում ոտնահարվել են մարդկանց իրավունքները, ամբողջությամբ հրապարակվել են նույնականացնող, անձնական տվյալներ, ինչն ուղղակի անընդունելի է»,- ասել է Առողջապահության նախարարի մամուլի խոսնակ Ալինա Նիկողոսյանը՝ նշելով, որ դիմելու են իրավապահներին:
