azatutyun.am: Ամբողջ աշխարհում կորոնավիրուսի հաստատված դեպքերի թիվն անցել է 6 միլիոն 400 հազարը, մահացել է ավելի քան 382 հազար մարդ, ավելի քան 3 միլիոն հիվանդ բուժվել է, վկայում են worldometers.info կայքում հրապարակված տվյալները:
Կորոնավիրուսից ամենաշատ տուժած երկիրը մնում է Միացյալ Նահանգները, այնտեղ 1 միլիոն 800 հազարից ավելի դեպք է արձանագրվել, մահվան դեպքերի թիվն անցել է 108 հազարը։
Երկրորդը Բրազիլիան է՝ կես միլիոնից ավելի վարակվածներ, 31 հազարից ավելի մահացածներ, երրորդ տեղում Ռուսաստանն է՝ 400 հազարից ավելի վարակվածներ , 5 հազարից ավելի մահվան դեպքեր:
Անցած մեկ օրում հազարավոր նոր դեպքեր են արձանագրվել Ռուսաստանում, Միացյալ Նահանգներում, Հնդկաստանում, Հարավային Ամերիկայի և Հարավային Ասիայի երկրներում։
Չնայած կորոնավիրուսի տարածումը կանգ չի առնում, շատ երկրներում կարանտինային սահմանափակումները զգալիորեն թուլացվել են։
