ԵԱՀԿ-ում ԱՄՆ դեսպան Ջեյմս Գիլմորը քննադատել է Ադրբեջանի և մի շարք այլ երկրների ղեկավարներին՝ համաճարակի դեմ պայքարի պատրվակով ընդդիմությանը ճնշելու համար։
«Ադրբեջանի իշխանությունները ձերբակալել են լրագրողների, ընդդիմադիր գործիչների ու ակտիվիստների, այդ թվում` նրանց, ովքեր քննադատում էին կառավարության քայլերը համաճարակի դեմ», – հայտարարել է բարձրաստիճան դիվանագետը` հավելելով. «Ադրբեջանի իշխանությունները նաև փորձում են ահաբեկել ու պատժել բոլոր նրանց, ովքեր ավելի շատ թափանցիկություն են պահանջում կառավարությունից կամ փորձում են գործի դնել ազատ խոսքի ու հավաքների իրենց իրավունքը»։
Տեղի իրավապաշտպանների հաշվարկներով անցած երեք ամսում Ադրբեջանում ավելի քան հարյուր ընդդիմադիր գործիչ ու ակտիվիստ է ձերբակալվել։
