tert.am: ԱՄՆ պետքարտուղարի տեղակալ Դևիդ Հեյլը հինգշաբթի հայտարարել է, որ ԱՄՆ Հետաքննությունների դաշնային բյուրոն (ՀԴԲ) միանալու է Բեյրութում օգոստոսի 4-ին տեղի ունեցած պայթյունի հանգամանքների բացահայտման գործին, գրում է ՏԱՍՍ գործակալությունը։
Հեյլն ընդգծել է, որ լիբանանյան իշխանություններն են ՀԴԲ-ին հետաքննությանը մասնակցելու առաջարկ արել։
Նշվում է, որ հինգշաբթի ամերիկացի դիվանագետը ժամանել է Բեյրութ՝ լիբանանյան ժողովրդին հնարավոր օգնության տրամադրման համար։
Ավելի վաղ հայտնի էր դարձել, որ Ինտերպոլը մասնագետների խումբ է ուղարկում Բեյրութ պայթյունի հանգամանքների ուսումնասիրման համար։
