Արթուր Մեսչյանն այլևս Երևանի գլխավոր ճարտարապետը չէ: Այս մասին Ֆեյսբուքի իր էջում հայտնել է քաղաքապետ Հայկ Մարությանը:
«Այսօր Արթուր Մեսչյանի վերջին աշխատանքային օրն էր Երևանի գլխավոր ճարտարապետի պաշտոնում։ Հպարտ եմ, որ պարոն Մեսչյանի հետ միասին աշխատելու հնարավորություն եմ ունեցել։ Ուզում եմ շնորհակալություն հայտնել ավագ ընկերոջս՝ մեր քաղաքի համար այս կարեւոր ժամանակահատվածում համատեղ աշխատանքի համար», – գրել է Մարությանը։
