lragir.am: «Պիտի ընենց գյուղապետ ընտրեք, որ չգողանա, ընենց կառավարություն ընտրեք, որ չգողանա, հանգիստ հարկերը վճարեք, ապրեք»,- այսօր Արամուս գյուղում բնակիչների հետ հանդիպման ժամանակ ասաց վարչապետ Նիկոլ Փաշինյանը։
Նա Արամուսում ծանոթացավ մանկապարտեզի շինաշխատանքներին։
Գյուղում 40 տարվա ընթացքում առաջին անգամ այստեղ մանկապարտեզ է կառուցվում, 150 երեխաների համար։ Համայքնի ղեկավարն ասաց՝ 433 մլն դրամ է ծրագրի արժեքը։ Այս միջոցներն ապօրինի շինությունների՝ հիմնականում խոշոր ռեստորանների օրինականացման հաշվին մուտք արված միջոցներն են։
«Դա էլ է հետաքրքիր փաստ՝ փաստորեն այս մանկապարտեզը կառուցվում է ապօրինի կառուցված ռեստորանների օրիկնականացման արդյունքում ձևավորված գումարների հաշվին։ Հիմա մանկապարտեզը կառուցվում է, գազաֆիկացումն արվում է, ճանապարհը կկառուցվի, մնում է հողերը մշակենք, արտահանենք, գործերներս լավ կլինի։ Գույքահարկը վճարեք, որ ավելի շատ ծրագրեր իրականացնենք։ Ես շատ եմ կարևորում դա, որ բոլորս հասկանանք՝ մեր վճարած գույքահարկը սա է»,- ասաց վարչապետը։
