Երևանի ավագանու անդամ Գայանե Մելքոմյանը ֆեյսբուքյան իր էջում գրում է․
«Օգոստոսի սկզբին Բեյրութում տեղի ունեցած ավերիչ պայթյունի հետևանքով Երևան տեղափոխվող լիբանանահայերի և նրանց հիմնադրած ընկերությունների համար կսահմանվի արտոնություն՝ նրանց ազատելով 2020 թվականի բոլոր տեղական տուրքերից և վճարներից։
Նախագիծը, որ շրջանառության մեջ եմ դրել Երևանի ավագանու «Իմ քայլը» խմբակցության անունից, ներառված է Երևանի ավագանու սեպտեմբերի 8-ի հերթական նիստի օրակարգում։
Սիրելի՛ լիբանանահայեր, մայրաքաղաքը ձեզ սպասում է գրկաբաց»։
