armenpress.am: Հայաստանը ֆուտբոլի ազգային ընտրանին արտագնա խաղով սկսեց պայքարը Ազգերի լիգայի C դիվիզիոնի որակավորման փուլում: Ինչպես հայտնել էինք, առաջին խաղակեսն ավարտվեց 0-2 հաշվով՝ հօգուտ Մակեդոնիայի։
Երկրորդ կեսի մեկնարկում խաղային իրավիճակներում առավելությունը Հայաստանի ընտրանու կողմն էր: Հանդիպման վերջում Հայաստանի ընտրանին ստացավ 11 մետրանոց հարվածի իրավունք և այն անվրեպ իրացրեց Տիգրան Բարսեղյանը: Կապառոսի մի շարք փոփոխությունները հարձակման գծում ամբողջապես չտվեցին իրենց արդյունքը, և Հայաստանի ընտրանին պարտությամբ մեկնարկեց Ազգերի լիգայի այս խաղարկությունում: Հյուսիսային Մակեդոնիա-Հայաստան խաղն ավարտվեց 2:1 հաշվով:
Հայաստանի ֆուտբոլի ազգային ընտրանին Ազգերի լիգայի երկրորդ տուրում` սեպտեմբերի 8-ին, Երևանում կմրցի Էստոնիայի հավաքականի հետ:
