Ռուս դիվանագետները, որոնց Բուլղարիայի դատախազությունը մեղադրում է լրտեսության մեջ, պետք է երկրից հեռանան 72 ժամվա ընթացքում: Այս մասին հայտնում է ТАСС գործակալությունը՝ հղում անելով Բուլղարիայի արտաքին քաղաքական գերատեսչությանը։
«Բուլղարիայի արտաքին գործերի նախարարությունը երկրում հավատարմագրված երկու դիվանագետների «պերսոնա-նոն գրատա» է հայտարարել: ՌԴ դեսպանությունը տեղեկացվել է: Երկու դիվանագետների տրամադրության տակ 72 ժամ կա մեր երկիրը լքելու համար»,- ասվում է ԱԳՆ պաշտոնական հայտարարության մեջ:
Դիվանագիտական գերատեսչությունը մասնավորեցնում է, որ չորեքշաբթի դատախազությունից նամակ է ստացվել ռուս դիվանագետների նկատմամբ քրեական գործի հետաքննության կասեցման մասին:
