azatutyun.am: Մոսկվայի և Համայն Ռուսիո պատրիարք Կիրիլը կոչ է արել ղարաբաղյան հակամարտության կողմերին օգտագործել հրադադարի մասին Մոսկվայում ձեռք բերված պայմանավորվածությունները՝ խնդրի կարգավորումը քաղաքական հուն վերադարձնելու համար։
«Հանուն հարևան երկու երկրների ապագայի, կոչ եմ անում երկարաձգել հրադադարը», – հայտարարել է Ռուս ուղղափառ եկեղեցու հովվապետը։
Պատրիարք Կիրիլը դիմել է նաև Ամենայն Հայոց կաթողիկոս Գարեգին երկրորդին և Կովկասի մահմեդականների վարչության նախագահ շեյխ-ուլ-իսլամ Ալլահշուքյուր Փաշա Զադեին՝ կոչ անելով քայլեր ձեռնարկել, որպեսզի հակամարտությունը չվերածվի միջկրոնական առճակատման։
«Հայաստանն ու Ադրբեջանը պատմականորեն եղել և կմնան հարևաններ, հայերն ու ադրբեջանցիները ամեն դեպքում շարունակելու են ապրել կողք-կողքի», – հայտարարել է Համայն Ռուսիո պատրիարքը։
