Հռոմի պապ Ֆրանցիսկոսը ողբերգություն է անվանել այն, ինչ տեղի է ունենում Լեռնային Ղարաբաղում։ Այս մասին Հռոմեական կաթոլիկ եկեղեցու ղեկավարը հայտարարել է Սուրբ Պետրոսի հրապարակում իր կիրակնօրյա քարոզում:
«Բոլոր սրբերի տոնի այս օրը եկեք չմոռանանք, թե ինչ է կատարվում Լեռնային Ղարաբաղում, որտեղ կա զինված բախում, որն ընդհատվում է զինադադարի կարճ ժամանակահատվածներով։ Տները, ենթակառուցվածքները և աղոթատեղիները գնալով ավերվում են։ Ռազմական գործողությունները ավելի շատ ազդում են քաղաքացիական բնակչության վրա։ Սա ողբերգություն է», – ասել է Ֆրանցիսկոսը։
Նա կոչ է արել հակառակորդ կողմերին հրաժարվել ռազմական մեթոդներից, որոնք հանգեցնում են «անմեղ մարդկանց արյան թափմանը»։
Թարգմանությունը՝ Վաղինակ Ասատրյանի
