azatutyun.am: Թուրքիայի արտաքին գործերի նախարար Մևլութ Չավուշօղլուն՝ տեսակապով ելույթ ունենալով ԵԱՀԿ արտաքին գործերի Նախարարների խորհրդի 27-րդ նիստում, ասել է, որ Լեռնային Ղարաբաղի շուրջ համաձայնությունը կարող է դրական ազդեցություն գործել նաև հայ-թուրքական հարաբերությունների վրա:
«Ադրբեջանի, Հայաստանի և Ռուսաստանի համաձայնությունն ընձեռոում է երեք տասնամյակից հետո խաղաղություն հաստատելու իրական հնարավորություն, այն միանշանակ դրական ազդեցություն կգործի տարածաշրջանային կայունության, ինչպես նաև հայ-ադրբեջանական և հայ-թուրքական հարաբերությունների վրա»,- հայտարարել է Չավուշօղլուն:
