ՀՀ ոստիկանությունը պարզաբանում է ներկայացրել ոստիկանության զորքերի հրամանատարի տեղակալ Սամվել Հակոբյանի պաշտոնավարման դադարեցման վերաբերյալ:
«Այսօր հանրահավաքում հայտարարվել է, որ ծառայությունից ազատվելու զեկուցագիր է ներկայացրել Ոստիկանության զորքերի հրամանատարի տեղակալ Սամվել Հակոբյանը:
Ոստիկանությունից պարզաբանում են՝ այդ քայլի պատճառները, որոնք ներկայացվել են հանրությանը, չեն համապատասխանում իրականությանը։
Սամվել Հակոբյանը պաշտոնավարումը դադարեցրել է ծառայողական հարաբերություններում ծագած խնդիրների պատճառով»,- նշված է ոստիկանության պարզաբանման մեջ։
Հիշեցնենք, որ Սամվել Հակոբյանը այսօր հայտարարություն է տարածել, թե «այս օրերին փորձ է արվում ոստիկանությանը և, մասնավորապես, ոստիկանության զորքերին ներքաշել քաղաքական գործընթացների մեջ, ժողովրդի հետ երկխոսության ընթացքում ոստիկանությանն օգտագործել որպես մահակ և լուծել նեղ անձնական ու քաղաքական խնդիրներ»
