armtimes.com: Վարչապետի հրաժարականը պահանջող ընդդիմադիր ուժերը շարունակում են անհնազանդության ակցիաները։  

Նրանք կարճ ժամանակով փակում էին Երևանի տարբեր փողոցներ։ Ամիրյան փողոցը փակելիս ոստիկանները սկսեցին բերման ենթարկել նրանց։ Ոստիկանությունից հայտնեցին, որ Կառավարության շենքի հարակից տարածքից բերման են ենթարկվել 17 քաղաքացի՝ Վարչական իրավախախտումների վերաբերյալ օրենսգրքի 182-րդ հոդվածով նախատեսված արարք կատարելու համար (Ոստիկանի օրինական պահանջը չկատարելը):