armtimes.com: Արայիկ Հարությունյանը Արցախի Հանրապետությանը մատուցած բացառիկ ծառայությունների, ցուցաբերած քաջության ու անձնական արիության համար Հակոբ Վոլոդիայի Հարությունյանին հետմահու «Արցախի հերոս» բարձրագույն կոչում է շնորհել։
Արմավիրի մարզպետարանը տեղեկացնում է, որ այսօր տեղի է ունեցել Հակոբ Հարությունյանի հուղարկավորման արարողությունը: ԱՀ նախագահը հարազատներին է հանձնել «Ոսկե արծիվ» շքանշանը: Հերոսի հուղարկավորության ներկա է եղել նաեւ Արմավիրի մարզպետ Համբարձում Մաթևոսյանը։
Հակոբ Հարությունյանը կռվել է Շուշիի Քարինտակ հատվածում և նահատակվել մարտի ժամանակ։
Ոչնչացրել է մեծ քանակությամբ թշնամու կենդանի ուժ, աչքի ընկել բացառիկ արիությամբ: Կռվել է Կարեն Ջալավյանի հրամանատարությամբ՝ կռվի ժամանակ թշնամուց մեծ քանակի զենք և զինամթերք առգրավելով։
