1lurer.am: Այսօր ՀՀ ՊՆ-ի դիմաց բողոքի ակցիա են արել մարզերից ժամանած մի խումբ քաղաքացիներ, որոնք մասնակցել են արցախյան ռազմական գործողություններին: Նրանք բողոքում են, որ իրենց անունները որևէ տեղ նշված չեն:
Նրանց խոսքով՝ չկան ո՛չ իրենց զինվորական գրքույկները, ո՛չ փաստաթղթեր, որտեղ նշված լինի, որ իրենք պատերազմի մասնակից են:
Քաղաքացիներին ՊՆ-ից ուղղորդել են Կենտրոնական զինկոմիսարիատ:
Ինչպես հայտնում է «Լուրերի» թղթակիցը, քաղաքացիները ներկայումս Կենտրոնական զինկոմիսարիատում են: Զինկոմիսարիատից երեք քաղաքացու հրավիրել են ներս՝ զրուցելու:
