factor.am: Վրաստանի իշխող «Վրացական երազանք՝ դեմոկրատական Վրաստան» կուսակցությունը երկրի Պաշտպանության նախարար Իրակլի Ղարիբաշվիլիին առաջադրել է որպես երկրի վարչապետի թեկնածու այն բանից հետո, ինչ Գեորգի Գախարիան հրաժարական է ներկայացրել։ Այս մասին հինգշաբթի օրը հայտնել է կուսակցության նախագահ Իրակլի Կոբախիձեն տեղի ունեցած ճեպազրույցի ժամանակ, հայտնում է Sputnik-Georgia-ն։
«Այսօր կայացել է կուսակցության քաղաքական խորհրդի նիստը, որի ժամանակ վարչապետի թեկնածուի մասին որոշում է ընդունվել։ Որպես կուսակցության նախագահ՝ իմ նախագահության հիման վրա քաղաքական խորհուրդը միաձայն որոշում է կայացրել Իրակլի Ղարիբաշվիլիին առաջադրել վարչապետի թեկնածու»,- ասել է Կոբախիձեն։
Ինչպես ավելի վաղ տեղեկացրել էինք, Վրաստանի վարչապետ Գեորգի Գախարիան հրաժարական է տվել:
