armtimes.com: Առաջիկայում Գյումրիում ուղևորափոխադրումներ իրականացնելու նպատակով ձեռք կբերվեն էլեկտրաավտոբուսներ: Այս մասին այսօր ավագանու նիստի ժամանակ հայտարարեց Գյումրու քաղաքապետ Սամվել Բալասանյանը:
«Մենք մեր քաղաքում էլեկտրաավտոբուսներ ենք ուեննալու, Եվրամիության ծրագիր ենք շահել, երեք տարում իրականացնելու ենք: Հիմա նաև մրցույթ կհայտարարենք»,- ասաց Բալասանյանը:
Նախատեսվող փոխադրամիջոցը նաև հարմարավետ է լինելու հենաշարժողական խնդիրներ ունեցողների, քայլակով, սայլակով տեղաշարժվողների համար:
«450.000 եվրոյի սահմաններում կարող է 8 հատ ձեռք բերենք փոքրերից կամ 4 հատ մեծը գնենք: Մենք հիմա փնտրտուքի մեջ ենք, տեսնենք ինչպես կլինի, սա մեզ համար իդեալական տարբերակ է»,- տեղեկացրեց քաղաքապետը:
