ՀՀ արդարադատության նախարար Ռուստամ Բադասյանն այսօր այցելել է ոստիկանության կրթահամալիր:
«Այսօր այցելեցի Ոստիկանության կրթահամալիր՝ հունվարի 18-ից մեկնարկած նոր Պարեկային ծառայության 5-ամսյա դասընթացի մասնակիցներին հանդիպելու և դասապրոցեսին մասնակցելու նպատակով։ Ներկա եղա տակտիկական ուսումնավարժությանը, կրակային պատրաստության, ինչպես նաև էքստրեմալ պայմաններում ավտովարման դասընթացներին։
Տեղեկացնեմ, որ 2021 թվականի հուլիսից կգործի Ծառայության Երևանի ստորաբաժանումը և Օպերատիվ կառավարման կենտրոնը։ Ոստիկանության հետ համատեղ սկսել ենք նաև Շիրակի և Լոռու մարզերում պարեկային ծառայության գործարկման նախապատրաստական աշխատանքները։
Վստահ եմ, որ ժամանակակից մարտահրավերներին դիմակայող, մասնագիտացված ու տեխնիկապես հագեցված, բարեվարք ոստիկանություն ու նոր ոստիկան ունենալուն միտված մեր ջանքերը հաջողելու են»,- տեղեկացրել է նախարար Բադասյանը ֆեյսբուքի իր էջում։
