ԱԺ պատգամավոր Նաիրա Զոհրաբյանը Գեղարքունիքի մարզի Նորատուս գյուղ այցելելուց հետո ֆեյսբուքի իր էջում անդրադարձել է գյուղի դպրոցի անմխիթար վիճակին:
«21-րդ դար։ 2019 թվական:
Նորատուսի թիվ 2 միջնակարգ դպրոց։ Դպրոցը չունի սանհանգույց։
Դպրոցից դուրս երկու թիթեղյա կրպակ ծառայում է որպես սանհանգույց։ Թիթեղյա «բուդկաների» խափանման դեպքում, ինչը հաճախ է պատահում, աշակերտները եւ ուսուցիչները թակում են դիմացի հարեւանների տները։ Նորից հիշեցնեմ՝21-րդ դար։
Հույս ունեմ, որ հեղափոխական մարզպետարանը ահազանգիս կարձագանքի»,- գրել է նա:
