tert.am: ԱՄՆ-ն լիովին չի հասկանում Ուկրաինայի հետ սահմանին ուժերի տեղաշարժի հետ կապված Ռուսաստանի մտադրությունները և Մոսկվային կոչ է անում հստակեցնել դրանք: Այս մասին երեքշաբթի լրագրողներին հայտնել է Պենտագոնի մամուլի քարտուղար Ջոն Քիրբին։
Նրա խոսքով՝ Պենտագոնը տեղեկություններ ունի այն մասին, որ ՌԴ-ն հարավ-արևելյան ուղղությամբ, այդ թվում՝ Ղրիմում, ուժեղացնում է իր ռազմական ներկայությունը։
«Մեզ համար դժվար է այս պահին խոսել նրանց մտադրությունների մասին։ Դա մտահոգիչ է, և մենք շարունակում ենք հետևել զարգացումներին»,- հավելել է նա։
Պենտագոնի ներկայացուցիչը հրաժարվել է պատասխանել այն հարցին, թե արդյոք Վաշինգտոնը կարծում է՝ ռուսական զորքերն արդեն գտնվում են Ուկրաինայի արևելքում:
«Ես փորձում եմ խուսափել այնտեղ կոնկրետ գործողությունների, հատկապես այլ երկրի զինվորականների գործողությունների մասին խոսակցություններից»,- հավելել է նա:
