tert.am: Չեխիայի նախագահ Միլոշ Զեմանը սերբ գործընկեր Ալեքսանդր Վուչիչի հետ հանդիպմանը, որն այցով գտնվում է Չեխիայում, ներողություն է խնդրել Հարավսլավիայի ռմբակոծության համար: Այս մասին հայտնում է «Իզվեստիա»-ն՝ վկայակոչելով չեխ ղեկավարի մամուլի քարտուղարին:
«Երկրի նախագահ Միլոշ Զեմանը սերբ նախագահի ներկայությամբ հրապարակավ ներողություն է խնդրել 1999 թվականին ՆԱՏՕ-ի ուժերի կողմից Հարավսլավիայի ռմբակոծությունների համար»,- ասվում է նախագահի խոսնակի հաղորդագրության մեջ:
Վուչիչն ի պատասխան շնորհակալություն է հայտնել Զեմանից և հայտարարել, որ այս պահից սերբ ժողովուրդը ոչ միայն բարեկամ, այլև եղբայրական կհամարի չեխ ժողովրդին:
