armtimes.com: Ստեփանակերտի քաղաքապետարանից տեղեկացնում են, որ «Մենք ենք մեր սարերը» հուշարձանի տարածքում տեղադրված բանալու տեսքով արձանի շուրջ սոցցանցերում տարաբնույթ քննարկումներին ի պատասխան՝ հայտնում են՝ ընթանում են քննարկումներ հասարակական և գիտական շրջանակներում՝ այդ արձանը տվյալ տարածքում տեղադրելու նպատակահարմարության շուրջ:
«Սպասում ենք մասնագիտական եզրակացությանը՝ վերջնական որոշում կայացնելու համար»,-նշվում է քաղաքապետարանի հաղորդագրության մեջ:
Նշենք, որ «Մենք ենք մեր սարերը» հուշարձանի տարածքում տեղադրված բանալու տեսքով արձանը բուռն քննարկումների առիթ է դարձել Արցախում: Քաղաքացիները մտահոգություն են հայտնում, թե ինչպես է այն «հայտնվել» հուշարձանի տարածքում, նշում են, որ տարևօրնակ սիմվոլիկա կա, որը պետք է արգելվի պետական մակարդակով:
