azatutyun.am: Ռուսաստանի Դաշնության խորհրդարանի վերին պալատի՝ Դաշնության խորհրդի պատվիրակությունը դիտորդական առաքելությամբ ներկա կլինի Հայաստանում հունիսի 20-ին կայանալիք արտահերթ խորհրդդարանական ընտրություններին:
Դաշնության խորհրդի մամլո ծառայության փոխանցմամբ, Հայաստան գործուղվող պատվիրակությունը ղեկավարելու է գիտության, կրթության և մշակույթի հարցերի մշտական հանձնաժողովի նախագահ Վիկտոր Սմիրնովը:
Պատվիրակության կազմում կլինեն Դաշնության խորհրդի սահմանադրական և պետական շինարարության հարցերի հանձնաժողովի անդամ Օլեգ Ցեպկինը, միջազգային հարաբերությունների հարցերի հանձնաժողովի անդամ Վադիմ Դենգինը և պաշտպանության ու անվտանգության հարցերի հանձնաժողովի անդամ Սերգեյ Կոլբինը:
