azatutyun.am: Առողջապահության համաշխարհային կազմակերպությունը հայտարարել է, որ կորոնավիրուսի «դելտա» տարբերակի արագ տարածումը վտանգի տակ է դնում համավարակի դեմ պայքարում մեծ դժվարությամբ ձեռքբերված նվաճումները:
Այդ մասին ասել է ԱՀԿ գլխավոր տնօրեն Տեդրոս Ադհանոմ Գեբրեյեսուսը: Միաժամանակ նա նշել է, որ պատվաստանյութերն արդյունավետ են նաև «դելտայի» դեմ:
ԱՀԿ մասնագետների փոխանցմամբ, անցած 4 շաբաթվա ընթացքում ախտահարումների թիվն ավելացել է 80 տոկոսով:
Աֆրիկայի մայրցամաքում, որտեղ պատվաստված է բնակիչների ընդամենը 1.5 տոկոսը, մահացությունն է ավելացել 80 տոկոսով:
Կորոնավիրուսի «դելտա» տարբերակն արձանագրվել է 132 երկրներում և դարձել է համաշխարհային գերիշխող շտամը:
