tert.am: Տրիպոլիի փողոցներում փոխհրաձգություն է սկսվել Լիբիայի տապալված առաջնորդ Մուամար Քադաֆիի մի քանի տասնյակ կողմնակիցների զինված խմբերի և Ազգային անցումային խորհրդի (ԱԱԽ) զորքերի միջև. այս մասին հաղորդում է «Ռոյթեր» գործակալությունը:
Ինչպես տեղեկացնում են ականատեսները` ուրբաթ օրը, մայրաքաղաքի Աբու-Սալիմ թաղամասում մի խումբ մարդիկ են հայտնվել, ովքեր Ջամահիրիայի նախկին ղեկավարի օգտին կարգախոսներ են վանկարկել:
Որոշ ժամանակ անց Աբու-Սալիմ են ժամանել բեռնատարներ` ԱԱԽ զինվորներով: Նրանց և Քադաֆիի կողմնակիցների միջև փոխհրաձգություն է սկսվել:
