tert.am: Ադրբեջանն արդեն սկսել է իրավական ընթացակարգեր այն ընկերությունների դեմ, որոնք ոսկու հանքավայրերի շահագործմամբ են զբաղվել Լեռնային Ղարաբաղում: Այս մասին հայտարարել է Ադրբեջանի նախագահ Իլհամ Ալիևը Քարվաճառի և Քաշաթաղի շրջաններ կատարած ուղևորության ժամանակ, գրում է ՏԱՍՍ-ը:
«Դատական գործընթացներն արդեն սկսվել են: Մենք սկսել ենք, հրավիրել ենք միջազգային հայտնի իրավաբանական ընկերություններ, և այժմ նրանք նախապատրաստում են դատական գործերը»,-ասել է Ալիևը:
Նա նշել է, որ օտարերկրյա ընկերությունները շահագործել են ոսկու հանքավայրերը Քարվաճառի, Կովսականի շրջաններում և այլ վայրերում:
