tert.am: ԵՄ արտաքին քաղաքականության և անվտանգության հարցերով գերագույն ներկայացուցիչ Ժոզեպ Բորելը կարծիք է հայտնել, որ Եվրամիությունը չի կարող թույլ տալ Ռուսաստանին և Չինաստանին վերահսկել Աֆղանստանում ստեղծված իրավիճակը:
«Մենք չենք կարող թույլ տալ Չինաստանին և ՌԴ-ին վերահսկել իրավիճակն Աֆղանստանի շուրջ»,- «ՌԻԱ Նովոստի»-ի ասել է Բորելը՝ ելույթ ունենալով Եվրոպական խորհրդարանի պատգամավորների առաջ:
Նրա խոսքով՝ ներկա պահին քննարկվում է Աֆղանստանի ապագան, ազգային միասնության կառավարության հնարավոր ձևավորումը, որում կարող են տարբեր քաղաքական ուժեր մասնակցել, այդ թվում՝ նախկին կառավարության ներկայացուցիչներ:
«Մենք բախվում ենք բոլորովին նոր ողբերգական իրականության հետ Աֆղանստանում: Դա իրական աղետ է աֆղանների համար, Արևմուտքի հեղինակության համար, միջազգային հարաբերությունների զարգացման համար»,- հավելել է Բորելը:
