tert.am: Իսրայելական ռազմաօդային ուժերն ուրբաթ գիշեր գրոհել են Դամասկոսի և Հոմսի արվարձաները, որտեղ տեղակայված են «Հեզբոլլահ» շարժման շիա ջոկատների զինապահեստները:
Ինչպես փոխանցում է ՏԱՍՍ գործակալությունը՝ հղում անելով «Ալ-Հադաթ» հեռուստաալիքին, մի քանի հրթիռ է արձակվել շիա գրոհայինների ուղղությամբ՝ սիրիական մայրաքաղաքից դեպի արևմուտք ընկած Կալամուն լեռնային շրջանում: Պայթյունները լսվել են Կասյուն լեռան շրջանում և Դամասկոսի մոտակա «Մեզզա» ռազմական օդանավակայանում: Սիրիացի զինվորականների և աշխարհազորայինների շրջանում կորուստների մասին տեղեկություն չի ստացվել:
Հաղորդվում է, որ հրթիռային ավիահարվածները հասցվել են Լիբանանի օդային տարածքից:
Ավելի մանրամասն՝ tert.am-ում։
