Վարչապետ Նիկոլ Փաշինյանը պաշտոնական այցով ժամանել է Լիտվա: Այս մասին հայտնում են ՀՀ կառավարությունից։
«Այցի շրջանակում վարչապետը հանդիպումներ կունենա Լիտվայի Հանրապետության վարչապետ Ինգրիդա Շիմոնիտեի, նախագահ Գիտանաս Նաուսեդայի եւ Սեյմասի նախագահ Վիկտորիա Չմիլիտե-Նիելսենի հետ:
Այսօր տեղի կունենա նաեւ վարչապետի հանդիպումը Լիտվայի հայ համայնքի ներկայացուցիչների հետ»,- նշված է Կառավարության հաղորդագրության մեջ։
Նշենք, որ ավելի վաղ հայտնի էր դարձել, որ Լիտվայի կառավարությունը որոշում է կայացրել ամերիկյան արտադրության «Մոդեռնա» պատվաստանյութի 50.000 դեղաչափ փոխանցել Հայաստանին:
