armtimes.com: Վաղը՝ հոկտեմբերի 26-ին, կկայանա Երեւանի ավագանու հերթական նիստը։ Օրակարգում ներառված է 29 հարց, որից մեկը Երեւան ավագանու մշակույթի, կրթության եւ սոցիալական հարցերի մշտական հանձնաժողովի նախագահ ընտրելու վերաբերյալ է։
Վերոնշյալի մասին գրություն է ներկայացրել Երեւանի ավագանու «Իմ քայլը» խմբակցության ղեկավար Արմեն Գալջյանը՝ հարցը նիստի օրակարգում ներառելու համար:
Երեւանի ավագանու «Իմ քայլը» խմբակցությունն առաջարկում է այդ պաշտոնում նախագահ ընտրել նույն խմբակցության անդամ Հայկ Միրզոյանին: Նշենք, որ Միրզոյանը մասնագիտությամբ բժիշկ է, ղեկավարում էր Երևանի «Իմ քայլը» խմբակցության առողջապահության աշխատանքային խումբը:
