tert.am: Խորվաթիայի իշխանությունները Ռուսաստանի և Ուկրաինայի միջև հակամարտության բռնկման դեպքում հետ կկանչեն իրենց զինծառայողներին Արևելյան Եվրոպայում տեղակայված ՆԱՏՕ-ի ուժերից: ՏԱՍՍ գործակալության փոխանցմամբ՝ այս մասին հայտարարել է հանրապետության նախագահ Զորան Միլանովիչը:
«Ես հետևում եմ հայտարարություններին, որոնց համաձայն՝ ՆԱՏՕ-ն մեծացնում է իր ներկայությունը և հետախուզական նավեր է ուղարկում: Մենք ոչ մի կապ չունենք և չենք ունենալու», -ասել է երկրի նախագահը՝ ելույթ ունենալով ազգային հեռուստատեսությամբ:
