armenpress.am: ԱՄՆ-ն և իր դաշնակիցները բաց են ՌԴ-ի հետ անվտանգության ոլորտում մտահոգությունները քննարկելու համար, եթե վերջինս պատրաստ է պատասխանել նույն կերպ: «ՌԻԱ Նովոստի»-ի փոխանցմամբ, այս մասին հայտարարել է ԱՄՆ նախագահ Ջո Բայդենը:
«Եթե Ռուսաստանն անկեղծ է իր պատրաստակամությամբ՝ լուծելու փոխադարձ անվտանգության խնդիրները երկխոսության միջոցով, ապա Միացյալ Նահանգները, մեր դաշնակիցները և գործընկերները կշարունակեն բարեխղճորեն համագործակցել»,- ասվում է նախագահի հայտարարության մեջ՝ կապված ՄԱԿ-ի Անվտանգության խորհրդի քննարկման հետ:
